კვერცხუჯრედის დონაცია

egg-donationსაკუთარი კვერცხუჯრედების არ არსებობის შემთხვევაში ქალებს ეძლევათ საშუალება მიიღონ ორსულობა ჯანრთელი ნაყოფის განვითარებით. ამის საშუალებას იძევა კვერცხუჯრედის დონაციის პროგრამა, რომელიც უშვილო წყვილებში შვილის ყოლის რეალურ შანსს უზრუნველყოფს.

სტანდარტულ IVF მეთოდთან შედარებით, კვერცხუჯრედის დონაციას რამდენიმე დადებითი მხარე გააჩნია, როგორიცაა, მეტი კვერცხუჯრედის მიღება და ხშირად დამატებითი ჯანმრთელი ემბრიონები კრიოკონსერვაციისთვის. გარდა ამისა, იმის გამო, რომ კვერცუჯრედების აღება ახალგაზრდა ჯანმრთელი ქალის ორგანიზმიდან ხდება, ნაკლებ სავარაუდოა, რომ ამ კვერცხუჯრედებიდან განვითარდნენ ქრომოსომული ანომალიების მქონე ემბრიონები და ამასთან თვითნებური აბორტისა და თანდაყოლილი დეფექტების რისკი მნიშვნელოვნად შემცირებულია.

ამ პროცესამდე დონორმა უნდა გაიაროს დეტალური სამედიცინო შემოწმება, გინეკოლოგიური გამოკვლევის, სისხლის ანალიზის, საკვერცხეების, მენჯის ღრუს ორგანოებისა და საშვილოსნოს ულტრაბგერითი გამოკვლევის ჩათვლით. ეს ციკლი გრძელდება 3-6 კვირის განმავლობაში და იწყება რამდენიმე კვირის მანძილზე ჩასახვის საწინააღმდეგო აბების მიღებით, მენსტრუალური ციკლების სინქრონიზაციისათვის, ინექციების სერიით, რაც ხელს უწყობს საკვერცხეების მიერ კვერცხუჯრედების გამომუშავებას.

კვერცხუჯრედის დონაცია რეკომენდირებულია ქალებისთვის, რომლებიც დაიბადნენ საკვერცხეების გარეშე, უნარი არ შესწევთ გამოიმუშავონ კვერცხუჯრედები, რომლებსაც სიცოცხლისუნარიანი ნაყოფის მიღება შეუძლია, აღენიშნებათ გენეტიკური დარღვევები, დედობისთვის დაგვიანებული ასაკი, უტარდებათ ქიმიოთერაპია ან დასხივება გარკვეული დაავადებების სამკურნალოდ და ნაადრევი მენოპაუზა.

მსოფლიო მასშტაბით, დონორული ციკლების ეფექტურობის მაჩვენებელია 60% და როდესაც „ახალ“ ციკლს მოსდევს გაყინული ემბრიონების გადატანის ციკლი, ეფექტურობის მაჩვენებელი დაახლოებით 80%-მდე იზრდება.