ხშირად დასმული კითხვები

faq რამდენად ეფექტურია ორსულობის მიღება ინ-ვიტრო განაყოფიერების მეთოდით მკურნალობის შედეგად?

გადამწყვეტი ფაქტორებია ქალის ასაკი და საკვერცხეების მდგომარეობა. ეფექტურობის მაჩვენებელი 5-50% შეადგენს.

განსხვავდებიან თუ არა ინ-ვიტრო განაყოფიერების/ინტრაციტოპლაზმური სპერმის ინექციის მეთოდით დაბადებული ბავშვები სპონტანური ორსულობის შედეგად გაჩენილი ბავშვებისგან?

ამ სფეროში განხორციელებული მრავალრიცხოვანი კვლევები არ ადასტურებს თანდაყოლილი პათოლოგიების ზრდას ინ-ვიტრო განაყოფიერების მეთოდით დაბადებულ ბავშვებში, სპონტანური ორსულობის შედეგად გაჩენილ ბავშვებთან შედარებით.

რა გართულებები შეიძლება მოჰყვეს ინ-ვიტრო განაყოფიერებით მკურნალობას?

ყველაზე ხშირი გართულებაა საკვერცხის ჰიპერსტიმულაციის სინდრომი. ეს მდგომარეობა გამოწვეულია სისხლძარღვთა გამტარობის ზრდით და სითხის გადინებით ე.წ. „მესამე სივრცეში“ – მუცლის ღრუში, ფილტვებში, პერიკარდიუმში და სისხლის შედედების დარღვევებით.

საკვერცხეების სტიმულაცია, რომელიც მრავალი კვერცხუჯრედის მისაღებადაა საჭირო, წარმოადგენს ფიზიოლოგიური ოვულაციის მიზანმიმართულ შეცვლას, როცა, როგორც წესი, ერთი კვერცხუჯრედი მწიფდება. ამიტომაც, პირობები მეტნაკლებად იქმნება სტიმულაციის ყველა შემთვევაში და საკვერცხის ჰიპერსტიმულაციის სინდრომის, განსაკუთრებით კი მისი მსუბუქი ფორმის სიხშირე 20% შეადგენს. უფრო სერიოზული გართულებების თავიდან ასაცილებლად საჭიროა პროგნოზირება, რისკ-ფაქტორების გათვალისწინება და ადრეული პროფილაქტიკა.

გართულებები, რომლებიც ოპერაციულ ჩარევას საჭიროებს, საკმაოდ იშვიათია – 0.2-1.1%. მათ მიეკუთვნება: სისხლდება, მცირე მენჯის ორგანოთა დაზიანება, საკვერცხის გადაგრეხვა ან აპოპლექსია (გახეთქვა). .

ახდენს თუ არა გავლენას ჰიდროსალპინგსი (ინფექციის გამოწვეული სითხის დაგროვება საშვილოსნოს მილში) ინ-ვიტრო განაყოფიერების შედეგებზე?

დიახ, უარყოფითად მოქმედებს. ჰიდროსალპინგსი 50%-ით აქვეითებს ორსულობის მიღების შანსს. ის შეიძლება ტოქსიკურად ან მექანიკურად მოქმედებდეს საშვილოსნოში გადატანილ ემბრიონებზე. ამიტომაც ამ დიაგნოზის მქონე პაციენტებს რეკომენდაციას ვაძლევთ, მკურნალობის დაწყებამდე ლაპარასკოპიის გზით მოიცილონ საშვილოსნოს მილი.

ინ-ვიტრო განაყოფიერების პროცედურის რომელი დღიდან იწყება ორსულობის პერიოდის ათვლა?

სპონტანური ორსულობისას, ორსულობის სამეანო ვადის ათვლა იწყება ბოლო მენსტრუაციის დღიდან. ინ-ვიტრო განაყოფიერებით მიღებული ორსულობისას, ემბრიონის გადატანის დღე ან საშვილოსნოსშიდა ინსემინაციის ჩატარების დღე ორი კვირის ორსულობად ითვლება.

Hრა გავლენას ახდენს უშედეგო მკურნალობის შემდეგ განმეორებითი ჰორმონალური სტიმულაცია საკვერცხეების მდგომარეობაზე?

სამეცნიერო ლიტერატურაში არსებული კვლევები არ მიუთითებს საკვერცხეების ავთვისებიანი სიმსივნეების ან განმეორებითი სტიმულაციების შემდეგ მათი რეპროდუქციული უნარის გაუარესების მომატებული რისკზე.